Meet 豬仔的家, Getting Married 30 November, 2012

PIGGY

HOW WE MET

本身我同我未婚夫iver兩個都好中意小狗, 當時因為我從小養大既狗狗puzzle年老離開左, 當時好唔開心, 朋友仔勸我養返一隻新既狗bb, 唔好再諗, 但係我點都係放唔開, 我覺得佢地唔係由細開始對住狗狗咁多年, 佢地唔會明白. 有一日朋友搞左一個寵物生日派對, 全場都係小狗, 基本上每組客人都有一隻. 有大部份客人我係認識的, 但亦當然亦有幾位唔認識的啦, 而iver 就係其中一個新朋友. 當時場地裡大多數都係一雙一對的情侶, 只有我同佢落單. 可能大家都覺得對方有d怪,無伴又無狗, say hi 之後一直都無傾計. 到切蛋糕影相, 狗狗玩到傻晒四圍跑, 大家去捉返自己果隻黎影相. 有另一位朋友ann問佢 :"咦, 邊隻係你架?" iver好黯淡咁話:" 我...我黎散心架咋, 我果隻都係今個月生日, 走左三年啦, 手抱咁大養左佢十幾年啦." 果一刻我突然喊左出黎, 因為我都覺得終於有人會明白我. 不過佢地就嚇親左, 唔知做錯咩事整喊我. 係互相安慰既過程裡面, 就咁撻著左, 大家都好似搵到個知音咁. 而家我地一齊養左一隻新既小狗bb, 佢一歲啦^^

HOW MANY PEOPLE WE INVITED TO OUR BANQUET:

180

WHY WE WON'T BE SERVING SHARK FIN AT OUR BANQUET:

我地唔係食齋, 反對食魚翅係因為捕殺既過程好唔人道, 而魚翅既美味其實源於湯底, 並非翅既本身. 即使你會食雞牛豬, 你想像下, 如果你食既牛扒, 隻牛係生勾勾未電死係個肚切左塊肉比你食. 跟住再砍斷晒佢既手手腳腳, 掟佢落海等死, 你仲食唔食得落?